1.
Ia bonsirna umbahen na tabahen Partangiangon i, ala
dihilala angka Natua – tuanta na di Bona ni Pasogit do hatinggalanta di
Hamajuon/Pangkat martimbangkon angka Marga hombar balokta. Alana andorang so
taon 1955, hira so adong na Martitel sian Marganta alai dung partangiangon i,
nungnga godang pasu-pasu (basa-basa) ni Debata ta jalo, ai nungnga adong (torop
ni nasopiga) na martitel. Nangpe songo i tong-tong dope pangidoonta tu Tuhanta,
asa ditambai tu hita tu joloan on pasu-pasu pardagingon nang pasu-pasu
partondionpe, jala unang lupa hita mandok mauliate tu Ibana ai ndada ala ni
gogonta/malonta i, holan ala asi ni rohana do. Antong sotung lupa hita disi.-
II
SI INGOTON JALA
SIULAHONONTON
2.
Ari 13-10-1955 dipatupa do Partangiangan I di Hutanta
Lbn. Tonga-tonga Siborongborong, hadir 5000 halak dohot undangan sian sude ….ni
marga batak
3.
Sibahenonta do Ulang Tahun ni Partangiangan on ganup taon songon I na
diginjang i.
4.
Sitonahononta mai ro di Pinomparta asa tongtong
diingot jala diulahon.
5.
Sa boi-boina ndang jadi gantion tgl.ni Ulang Tahun i,
lain hal molo adong keadaan terpaksa, boi do dipajolo manang di papudi. Alai
unang majolohu/mapudihu.
6.
Ndang jadi terhalang (sundat) Partangiangan i ala ni
sipanganon, manang si inumon, ndada sipanganon dohot siinumon, parabiton, sere
dohot perak na pinangido ni Debata sian hita, alai ROHA NA IAS SAMBING DO.
7.
Ndang jadi sundat Partangiangan i, ala so boi pungu
sude, tongtong taingot nangpe bersifat perseorangan, per rumahtangga, punguan
na metmet.
8.
Na penting sahali sude Nababan dohot Boruna dohot
Berena ingkon marningot ari 13-10-1955, huhut mandok mauliate tu Debata, dohot
mangido asa ditambai Debata pasu-pasuna tu tingki na naeng ro, jala mangido
mangido asa tongtong dibagasan holong masihaholongan hombar tu lomo ni roha ni
Debata.
9.
Ndang jadi sundat Partangiangan i ala ni Hula-hula
dohot angka naginongkon (ndang terpaksa ingkon manggokkon hula-hula manang na
asing tu partangiangan i)
10.
Molo dipingkiri roha ni Punguan i, porlu dohot
hula-hula dohot na asing untuk menyaksikan, ba denggan do i terserah tu pribadi
( dos ni roha ni punguan ima) asalma dang manimbil tujuan ni partangianganon,
ala ni nasida. Alana Nababan/boruna/berena do hasahatan ni ulaon. Holan
panolopi do nasida (menyaksikan).
11.
Molo ditingki partangiangan i, sotung gabe jolma
tapasangap, alai ingkon Debata ma jumolo tapasangap ai sian Ibana do haroro ni
saluhutna, jala tu Debata do hita mandok mauliate dohot mangido.
12.
Molo tapamasa Partangiangan i naengma papunguon pelean tu ulaon asi ni roha, ai
nungnga tajalo asi ni roha jumolo sian Debata, ala ni i ingkon tama botoonta
jala ulahononta asi ni roha i tu donganta si-asian (martua ma angka na asi
roha, ai siasian do nasida).
13.
Taringot tu parbagina, mardos ni rohama punguan i,
hombar tu angka ugamonta be.
14.
Bolo naeng bahenonta angka lelang, hiburan-hiburan,
Gondang di Partangiangan i, boi do. Alai jumolo ma dipatupa partangiangan
chusus, jala dungpe salpu Partangiangan chusus i, asa ro acara na
mangihut/penghibur unang gabe tinggal pokok ala ni angka tamba-tambai i.
15.
Molo naeng borhat hita tu Partangiangan i, naeng ma
jumolo tahobasi dirinta manang naung tua hita mandapothon Tuhanta. Tapangido
hasesaan ni dosanta diangka hahuranganta, jala marjanji hita padengganhon
parangenta tu ari na naeng ro, ai i do na niigil ni Debata sian hita. Uang sai
lohot bangko-bangko nahumurang i, ginjang ni roha, late hosom d.n.a
16.
Ditingki Partangiangan i saboi-boina ingkon tajaga be ma dirinta asa dibagasan
habadiaon (hahonomon), ai hita na mandapothon (namangkatai) dohot Tuhanta Do.
Ai punguan na teratur do dihalomohon Tuhanta.
17.
Molo adong tabahen sipanganon namarhasuhuton di
partangiangan i, (sigagat duhut, pinahan lobu), ianggo na marbagi parjambaran
ingkon hasuhuton do (Nababan/Boruna/Berena)
18.
Sekali Nababan, tetap Nababan. Unang dibahen
samar-samar margana; jaha hamu maraganta i, sian jolo dohot sian pudi tetap = N
A B A B A N =
19. Tolu do Gelar ni Ompunta :
1. BORSAK MANGATASI : NABISUK
MANGATASI
2. N A B A B A N :
NAMALO MANGKATAI
3. SIPITUARUARU :
NAPISTAR MAMBUAT JAMBARNA
III
PENGURUS PUNGUAN
PARTANGIANGAN/BM/B/B
20. Angka onma goar-goar ni Pengurus di mula ni Partangiangon i.
1. Ketua :
THEOPULUS NABABAN
2. Wkl. Ketua : PETRUS
NABABAN (Nungnga monding)
3. Sekretaris : K.K.
SABAM NABABAN
4. Bendahara : Wtr.
PETRUS NABABAN (Toko Obat Sampuran) (Nungnga monding)
5. Comisaris : R. LAZARUS
NABABAN (nungnga monding)
Holan dua
halak nama namangolu ima:
Ketua I
dohot Sekretaris
Dikutip
sian sejarah Partangiangan ni Borsak Mangatasi Nababan/Boruna/Berena tanggal,
13 Oktober 1955)
Berita: St. Torus Manuntun Nababan, S.Pd., M.Pd
.png)
